Neftçini narazı salan hakim səhvləri (VİDEO)

Məlum olduğu kimi, "Neftçi" Azərbaycan kubokunun 1/8 final mərhələsində çərçivəsində keçirilmiş "Simurq"la oyunun hakimliyindən narazı qalıb. Azerisport.az xəbər verir ki, görüşün 30-cu dəqiqəsində Flavinyo qırmızı vərəqə ilə cəzalandırılıb.

 

Amma həmin epizoda təkrar baxarkən, rəqib futbolçunun Flavinyoya qarşı kobudluğunu aşkar görmək olur. Flavinyo rəqib futbolçunun kobudluğu barədə baş hakimin köməkçisini xəbərdar etsə də, köməkçi hakim vəziyyətə heç bir reaksiya verməyib. Bunları "görməyən" Mehman Mahmudov rəqibin simulyasiyasını da "nəzərdən qaçırıb". Nəticədə Flavinyo qırmızı vərəqə ilə cəzalandırılaraq, meydandan kənarlaşdırılıb.

 

Bundan sonrakı epizodda, daha doğrusu, 40-cı dəqiqədə Denis Silva rəqib oyunçunun açıq ayaqla zərbəsinə tuş gəlib. Hakim epizoda yaxın olsa da, rəqib futbolçuya nəinki qırmızı, heç sarı vərəqə də göstərməyib.

 

Üçüncü epizodda isə Denis Silva "Simurq"un qapıçısı Adnan Hodziçin yumruqlarına tuş gəlib. Burada qayda pozuntusu olmasa da, "Neftçi" futbolçularının simulyasiya edərək, vaxtı uzatması iddiasının əsassız olduğu bir daha təsdiqini tapır. Vəziyyəti düzgün qiymətləndirən qolkiper Denisin ağır xəsarət aldığını görərək, dərhal həkimləri çağırır.

 

“Neftçi” bu epizodlarla bağlı video görüntü də yayıb. Onu təqdim edirik: