2 dekabr 2011 15:01
Sumqayıt Şəhər sabah Qəbələyə yola düşəcək
Futbol üzrə Azərbaycan Premyer Liqasının 15-ci turu çərçivəsində dekabrın 4-də səfərdə “Qəbələ” ilə qarşılaşacaq “Sumqayıt Şəhər” hazırlığını “Dalğa Arena”da davam etdirir. Azerisport.az xəbər verir ki, sabah Qəbələyə yola düşəcək komandanın heyətində 3 zədəli futbolçu yer alır.
Rəşad Kərimovdan başqa, Murad Səttarlı və Orxan Əliyev məşqlərdə iştirak etmir. Kapitan Samir Abasov, Ruslan Nəsirli və Ramil Həşimzadə isə zədələrini sağaldaraq komanda ilə birlikdə hazırlaşır.
Qeyd edək ki, Premyer Liqanın 2-ci turunda “Sumqayıt Şəhər” Mehdi Hüseynzadə adına Sumqayıt şəhər stadionunda “Qəbələ”yə 1:2 hesabı ilə məğlub olmuşdu. Həmin qarşılaşmada Orxan Əliyev fərqlənmişdi.
