2 dekabr 2011 21:55
AÇ-2012-nin püşkü atıldı (YENİLƏNİB)
Bu gün 2012-ci ildə Ukrayna və Polşada təşkil olunacaq Avropa çempionatının final mərhələsinin püşkatma mərasimi keçirilib. Azerisport.az xəbər verir ki, tədbir Ukraynanın paytaxtı Kiyevdə təşkil olunub.
Püşkatmaya əsasən AÇ-2012-nin final mərhələsinə vəsiqə qazanmış 16 komanda 4 qrupa bölünüb. Hələ püşkatmadan öncə bu möhtəşəm turnirə ev sahibliyi edəcək komandaların hansı qruplara düşəcəyi avtomatik olaraq dəqiqləşmişdi. Belə ki, Polşa A qrupunun 1-ci komandası, Ukrayna isə D qrupunun 1-cisi olaraq müəyyənləşdirilmişdi.
Avropa çempionatında iştirak edən digər komandalar isə səbətlərə bölünmüşdülər. Həmin səbətlərlə aşağıda tanış ola bilərsiz. Hansı ki, bu səbətlərin hərəsindən bir komanda ayrı-ayrı qruplara düşəcəkdi.
1-ci səbət: İspaniya, Hollandiya
2-ci səbət: Almaniya, İtaliya, İngiltərə, Rusiya
3-cü səbət: Xorvatiya, Yunanıstan, Portuqaliya, İsveç
4-cü səbət: Danimarka, Fransa, Çexiya, İrlandiya
Püşkatma nəticəsində aşağıdakı qruplar formalaşıb:
A qrupu: Polşa, Yunanıstan, Rusiya, Çexiya.
B qrupu: Hollandiya, Danimarka, Almaniya, Portuqaliya.
C qrupu: İspaniya, İtaliya, İrlandiya, Xorvatiya.
D qrupu: Ukrayna, İsveç, Fransa, İngiltərə.
Qeyd edək ki, növbəti AÇ-də iştirak edən yığmalardan ikisi DÇ-2014-ün seçmə mərhələsində millimizin rəqiblərindəndi. Bunlar Portuqaliya və Rusiya yığmalarıdı.
