2 dekabr 2011 16:51
“Tək hədəfimiz 3 xal qazanmaqdı”
“Qəbələ”nin baş məşqçisi Fatih Kavlak Premyer Liqanın 15-ci turunun “Sumqayıt Şəhər”lə oyunu öncəsi fikirlərini bölüşüb. Azerisport.az xəbər verir ki, o, klubun rəsmi saytına açıqlamasında bunları dilə gətirib:
"Matça həm fiziki, həm də psixoloji cəhətdən hazırıq. Tək hədəfimiz azarkeşlərimiz qarşısında gözəl oyun nümayiş etdirib, 3 xalı qazanmaqdı. Heyətdə bəzi itkilərimiz var. Əminəm ki, futbolçularım oyunları ilə bu itkiləri hiss etdirməyəcəklər. Rəqib isə gənclərdən təşkil olunmuş çox intizamlı komandadı. Müdafiədə diqqətli oynayırlar. Heyətlərində Azərbaycan futbolunun gələcəyi üçün çox önəmli futbolçular var. Amma bu oyunda qələbə bizim üçün çox vacibdi və inanıram ki, matçın sonunda sevinən tərəf biz olacağıq”.
