3 dekabr 2011 13:58
Bəxtiyar Soltanov: Foqts məni maraqlandırmır
“Qarabağ”ın hücumçusu Bəxtiyar Soltanov Premyer Liqanın 15-ci turunun “Turan”la oyunu öncəsi azerisport.az saytının suallarını cavablandırıb.
- “Qarabağ” nəhayət ki, kubok oyununda “Sumqayıt Şəhər”i problemsiz yenə bildi. 3:0 hesabıyla qələbə qazanacağınızı gözləyirdiz?
- Biz bu oyuna çox ciddi hazırlaşmışdıq. Biz onlara çempionatda da uduzduğumuzdan, bu dəfə başqa çıxış yolumuz yox idi. Rəqibimiz heç də zəif komanda deyildi. Amma biz daha yaxşı oynadıq. Ən azından bu komandayla əvvəlki qarşılaşmadan fərqli. Bu qələbə bizə çox lazım idi.
- Bəs bir müddət öncə məhz həmin arenada bu komandaya məğlubiyyətinizə nə səbəb olmuşdu?
- Bu, bizim böyük bir səhvimiz idi. Xeyli səhvlərə yol verdik. Oyundan öncə də arxayınlıq var idi. Gönclər isə əsl xarakter nümayiş etdirib, bizi məğlub etdilər. Lakin bu dəfə başqa yol qalmamışdı. “Qarabağ” kubokdan da uzaqlaşsaydı, bu, faciə olacaqdı.
- Bu, bizim böyük bir səhvimiz idi. Xeyli səhvlərə yol verdik. Oyundan öncə də arxayınlıq var idi. Gönclər isə əsl xarakter nümayiş etdirib, bizi məğlub etdilər. Lakin bu dəfə başqa yol qalmamışdı. “Qarabağ” kubokdan da uzaqlaşsaydı, bu, faciə olacaqdı.
- Demək olar ki, Azərbaycan kuboku sizin üçün artıq daha vacib turnirə çevrilir?
- Çempionatın startı ərəfəsində biz qızıl medalları qazanmağı hədəfləmişdik. Hədəflərimizdə dəyişiklik yoxdu. Sadəcə, “qara zolaq”dan çıxmaq lazımdı. Son dövrlər biz qələbə qazanmağa borclu olduğumuz oyunlarda xallar itiririk. Məsələn, “Neftçi” ilə oyunda məğlubiyyətə layiq deyildik. Çempionatda da hədəflərimiz yüksək olaraq qalmaqdadı.
- Çempionatın startı ərəfəsində biz qızıl medalları qazanmağı hədəfləmişdik. Hədəflərimizdə dəyişiklik yoxdu. Sadəcə, “qara zolaq”dan çıxmaq lazımdı. Son dövrlər biz qələbə qazanmağa borclu olduğumuz oyunlarda xallar itiririk. Məsələn, “Neftçi” ilə oyunda məğlubiyyətə layiq deyildik. Çempionatda da hədəflərimiz yüksək olaraq qalmaqdadı.
- Əsas rəqiblərinizdən olan “Neftçi”yə son dövrlərdə ardıcıl iki dəfə məğlub oldunuz...
- Onların sadəcə bəxti gətirdi. Təsadüfi qollar vurdular. Onlar heç bunu özləri də gözləmirdilər. Biz isə bu oyunların hər ikisində ən azı bir xala layiq idik. Amma yenə də bizim çempionluq şanslarımız qalmaqdadı. Kifayət qədər də realdı.
- “Turan”la oyun barədə nə düşünürsüz?
- Maraqlı oyun olacaq. Tovuzda xal itirməyimiz bağışlanmaz olacaq. “Turan”ı problemsiz məğlub etməliyik. Bu komandanın heyətində təcrübəlilərin və ya gənclərin oynaması bizi qətiyyən düşündürmür. İstənilən halda onlar uduzmamağa çalışacaqlar.
- Maraqlı oyun olacaq. Tovuzda xal itirməyimiz bağışlanmaz olacaq. “Turan”ı problemsiz məğlub etməliyik. Bu komandanın heyətində təcrübəlilərin və ya gənclərin oynaması bizi qətiyyən düşündürmür. İstənilən halda onlar uduzmamağa çalışacaqlar.
- Yığmaya qayıtmaq haqda düşünürsüz?
- Əlbəttə, mən də millidə oynamaq istəyirəm.
- Əlbəttə, mən də millidə oynamaq istəyirəm.
- Müqaviləsinin müddəti artırılan Berti Foqtsun sizi yığmaya dəvət edəcəyinə inanırsız?
- Mən Foqtsla maraqlanmıram. Onun taleyini AFFA müəyyənləşdirir. Odu ki, belə şeyləri mən şərh edə bilmərəm.
