3 dekabr 2011 17:22
Amit Quluzadə bir hissə oynadı, komandası sühl bağladı (YENİLƏNİB)
Türkiyənin Bank Asya birinci liqasında 14-cü turun oyunları keçirilib. Azerisport.az xəbər verir ki, millimizin yarımmüdafiəçisi Amit Quluzadənin çıxış etdiyi “Kayseri Erciyesspor” da bu gün növbəti oyununa çıxıb.
Həmyerlimizin komandası evdə “Elazığspor” ilə qarşılaşıb. Qeyd edək ki, Kayseri təmsilçisi bu oyun öncəsi 25 xalla üçüncü pillədə gedirdi. Elazığlılar isə 26 xalla ikinciydilər. Bir sözlə meydan sahibləri altı xallıq bu oyunda qələbə qazanmaqla əsas rəqiblərindən birini qabaqlamış olacaqdı.
Lakin meydan sahibləri liderliyə yüksəlmək şansını əldən veriblər. Hesabda geri düşən KE yalnız məğlubiyyətdən yaxa qurtarmasına sevinib.
Komandasının əsas heyət oyunçularından olsa da, son oyunlarda ehtiyatda qalmağa başlayan Amitin bu dəfə hansı aqibəti yaşayacağı maraqla gözlənilirdi. Baş məşqçi Fikret Yılmaz iki oyunluq fasilədən sonra bu dəfə həmyerlimizə yenə start heyətində yer verib. Lakin o, fasilədə Cenk Cengizlə əvəzlənib.
Türkiyə Bank Asya birinci liqası
14-cü tur
3 dekabr
Kayseri Erciyesspor - Elazığspor - 1:1 (0:0)
Qolllar: Emrah Bozkurt, 77 - Taylan Eliaçik, 58.
