4 dekabr 2011 20:04
Tovuzda da hakimlər döyüldü
Premyer Liqanın 15-ci turunun daha bir oyunundan sonra qalmaqal yaranıb. Azerisport.az xəbər verir ki, "Turan" - "Qarabağ" oyunundan sonra hakimlər hücuma məruz qalıb.
Belə ki, qarşılaşma başa çatan sonra bir neçə yerli azarkeş görüşün baş hakimi Rauf Cabbarov və onun köməkçilərinin üzərinə hücum çəkib. Nəticədə Cabbarovun burnunu sındıran şəxlər onun köməkçilərindən biri - Coşqun Həsənovun da üzünə şüşə atıblar. Məlumata görə, hakimlərdən biri xəstəxanaya aparılıb.
Qeyd edək ki, bu oyunda “Turan” 0:1 hesabıyla məğlub olub. Hakimlər meydan sahiblərinin bir oyunçusunu da vaxtından əvvəl meydandan qovublar.
