6 dekabr 2011 00:05
Cüneyt Biçer: XL bu heyətlə çempion ola bilər
“Xəzər Lənkəran”ın yeni baş məşqçisi Cüneyt Biçer azerisport.az saytına müsahibəsində təyinatından, eləcə də qarşıdakı planlarından danışıb.
- Artıq “Xəzər Lənkəran”la müqavilə imzalamısız?
- Razılıq əldə olundu. Mənim onsuz da klubla müqaviləm var idi. Mən eyni zamanda həm də uşaq futboluna və əvəzedici komandaya baxırdım. Odu ki, kənar adam deyiləm. İndi isə artıq əsas komandaya rəhbərlik etməli olacam.
- Razılıq əldə olundu. Mənim onsuz da klubla müqaviləm var idi. Mən eyni zamanda həm də uşaq futboluna və əvəzedici komandaya baxırdım. Odu ki, kənar adam deyiləm. İndi isə artıq əsas komandaya rəhbərlik etməli olacam.
- Əsas komandayla işləmək çətin olmayacaq ki?
- Belə klubda işləmək həmişə məsuliyyətli və çətindi. Burda ancaq nəticə lazımdı. Şadam ki, belə bir klubu mənə həvalə ediblər. Mən üzərimə götürdüyüm işin vacibliyini və məsuliyyətini anlayıram. Amma hələ heç nə itirilməyib, hər şey qarşıdadı. “Xəzər Lənkəran”ın uğuru üçün gecə-gündüz işləməli olacam. Əsas odu ki, mənə bəslənilən ümidləri doğruldum.
- Belə klubda işləmək həmişə məsuliyyətli və çətindi. Burda ancaq nəticə lazımdı. Şadam ki, belə bir klubu mənə həvalə ediblər. Mən üzərimə götürdüyüm işin vacibliyini və məsuliyyətini anlayıram. Amma hələ heç nə itirilməyib, hər şey qarşıdadı. “Xəzər Lənkəran”ın uğuru üçün gecə-gündüz işləməli olacam. Əsas odu ki, mənə bəslənilən ümidləri doğruldum.
- Sizə kim kömək edəcək?
- İkinci komandadan bir məşqçi mənə kömək etməlidi. Daha bir mütəxəssis Türkiyədən gəlməlidi. Qapıçılarla işləyən məşqçi də komandada qalacaq. Üçlükdə hər şeyi həll edə bilərik. “Xəzər Lənkəran”ın əla heyəti var. Çoxları komandasında belə heyətin olmasını arzulayar. Bu heyətlə çempion ola bilərik.
- Dörd turdu komanda qələbə qazana bilmir...
- İki həftə öncə biz lider idik. İndi isə “Neftçi”dən üç xal geri qalırıq. Çempionat yeni başlayır. Hər komandanın çətin oyunları olur. Ona görə də hələ çox şey baş verəcək. “Xəzər Lənkəran” həmişə qızıl medallara oynayır, bu mövsüm də çempion titulunu qazanmaq üçün çalışacaq.
- “Neftçi”dən alınan 0:5 hesablı yenilginin qisasını almaq barədə düşünürsüz?
- Azərbaycan çempionatındakı hər bir oyun bizim üçün vacibdi. Biz ancaq “Neftçi” barədə düşünə bilmərik. Əgər yalnız “Neftçi”ylə oyunlara hazırlaşsaq, mövsümü istədiyimiz kimi bitirə bilmərik. Bizə indi sadəcə növbəti tur haqda düşünmək lazımdı. “Neftçi”ylə oyuna hələ çox vaxt var.
- “Neftçi”ylə aydındı, bəs “Bakı”?
- “Bakı”da işləmək mənim üçün şərəf idi. Amma indi artıq yalnız “Xəzər Lənkəran”ın uğurları haqda düşünürəm. “Bakı”nı artıq unutmuşam.
- “Bakı”da işləmək mənim üçün şərəf idi. Amma indi artıq yalnız “Xəzər Lənkəran”ın uğurları haqda düşünürəm. “Bakı”nı artıq unutmuşam.
- Qış transfer planlarınız artıq məlumdu?
- Yanvara hələ qalır. Hələ nə edəcəyimizi bilmirəm. Əsas odu ki, komandanı tanıyıram və buna vaxtım getməyəcək. Düşünmürəm ki, “Xəzər Lənkəran”da heyəti dəyişməyə ehtiyac var. Sadəcə, bəzi dəyişikliklər olacaq.
- Hazırkı komandanızı vaxtilə məhz siz Azərbaycan kubokundan və çempionluqdan etmişdiz...
- Məşqçi işi belədi. Bu gün burdasan, sabah başqa bir klubda ola bilərsən. “Bakı”nın baş məşqçisi kimi komandama qələbə qazandırmağa borclu idim. İndi isə eyni uğurları “Xəzər Lənkəran”la qazanmalıyam.
