5 dekabr 2011 11:26
Rail Məlikov: Simurqa dörd qolu Sergey Yurana görə vurduq
“Neftçi”nin kapitanı Rail Məlikov Premyer Liqanın 15-ci turunun “Simurq”la oyunundan (4:2) sonra azerisport.az saytının suallarını cavablandırıb.
- Görüşün belə alınacağını gözləyirdiz?
- Məncə, qarşılaşma o qədər asan keçmədi. Düzdü, biz “Simurq”a böyük hesabla qalib gəlməyi bacardıq. Amma onlar növbəti dəfə sübut etdilər ki, yaxşı komandadılar. Həm də eyni komandayla ikinci dəfə qarşılaşanda, hər iki tərəfə daha çətin olur. Digər tərəfdən də bizim öz-haqq hesabımız var idi.
- Kiminlə?
- Oyundan öncə “Simurq”un baş məşqçisi Sergey Yuran xoşagəlməz sözlər işlətmişdi. Bax buna görə qələbənin dəyəri daha da artmışdı. Onun komandasını məğlub etməklə kimin kim olduğunu göstərmək istəyirdik.
- Deməli, “Simurq” bu oyunda sizin üçün prinsipial rəqib idi?
- Ancaq baş məşqçisi. Futbolçulara gəlincə, təmiz oyuna görə onlara təşəkkürümü bildirirəm. Sona kimi layiqli mübarizə apardılar. Amma Sergey Yurana görə biz onlara dörd qol vurduq. Ümid edirəm ki, o, artıq bundan razı qalar.
- Ancaq baş məşqçisi. Futbolçulara gəlincə, təmiz oyuna görə onlara təşəkkürümü bildirirəm. Sona kimi layiqli mübarizə apardılar. Amma Sergey Yurana görə biz onlara dörd qol vurduq. Ümid edirəm ki, o, artıq bundan razı qalar.
- Onun hansı sözü sizin belə xoşunuza gəlməmişdi?
- Oyundan öncə o, bir çox xoşagəlməz sözlər işlətmişdi. O, arada belə münasibətin yaranmasına şərait yaratmamalıdı.
- Oyundan öncə o, bir çox xoşagəlməz sözlər işlətmişdi. O, arada belə münasibətin yaranmasına şərait yaratmamalıdı.
- Komandanız da iki qol buraxdı. Öz çıxışınızı necə dəyərləndirərdiz?
- Onları 2:0 hesabıyla məğlub etməyi planlaşdırmışdıq. Amma 4:2 alındı (gülür).
- Flavinyo və Alessandronun yoxluğu hiss olunurdu?
- Onlar yüksək səviyyəli futbolçulardılar. Amma onların yerinə çıxan futbolçular da layiqli əvəzləyici olduqlarını sübut etdilər. Araz Abdullayevin dubla imza atmasına çox sevindim.
- Artıq “Neftçi” vahid liderliyi ələ aldı..
- Deməli, hər şey qaydasında gedir. Biz qarşımıza 2011-ci ilin sonuna kimi baş tutacaq bütün oyunlarımızda qələbə qazanmaq hədəfi qoymuşuq. “Simurq”u yendik. Qalır AZAL, “İnter” və “Kəpəz”.
- Deməli, izləyicilərinizdən aralanmaq istəyirsiz?
- Pis olmazdı. Amma rəqiblərimizdən də çox şey asılıdı. Onlar xal itirsələr, işimiz daha asanlaşar.
- Pis olmazdı. Amma rəqiblərimizdən də çox şey asılıdı. Onlar xal itirsələr, işimiz daha asanlaşar.
