7 dekabr 2011 13:55
Berti Foqts üçün yeni duet
Şimali İrlandiya Futbol Federasiyası bu ölkənin yığma komandasının baş məşqçisi postuna namizədlərin siyahısını müəyyənləşdirib. Azerisport.az xəbər verir ki, siyahıda 6 mütəxəssisin adı yer alıb.
Bunlar Eto Cim Meqilton, Maykl O`Nil, İan Doui, Deyv Cons və Brendon Rocersdi. Daha bir namizəd Avraam Qrant olsa da, o, artıq irlandların təklifindən imtina edib.
Meqilton və O`Nil hazırda İrlandiya “Shamrock Rovers”ində birgə çalışırlar. Hansı ki, bu komanda ilə UEFA Avropa Liqasında mübarizə aparırlar. Meqilton O`Nilin yardımçısı kimi fəaliyyət göstərir. Onların Şimali İrlandiya yığmasında ayrıca, yoxsa birgə çalışacağı isə maraqla gözlənilir.
“Swansea”də baş məşqçi kimi çalışan Rocers də əsas variantlardan biri kimi qiymətləndirilir. O, bu təklifi qəbul etsə də, düşünmək üçün vaxt istəyib. Özü də maraqlıdı ki, Rocers hər iki postda çalışmaq istəyir. Belə ki, o, klubdakı işini itirməmək şərtilə, Şimali İrlandiya yığmasını da çalışdırmaqda maraqlıdı.
Lakin irlandların son seçiminin necə olacağı hələ də bilinmir. Gözlənilir ki, yeni baş məşqçinin kimliyi Norveçlə yoldaşlıq oyunu öncəsi açıqlanacaq. Həmin qarşılaşma 2012-ci ilin fevral ayında baş tutacaq.
Qeyd edək ki, son tsikldə Şimali İrlandiya yığmasını Naycet Uortinqton çalışdırırdı. Lakin AÇ-2012-nin seçmə mərhələsi başa çatan kimi, o, postundan ayrıldı.
Yığmamızın britaniyalılarla oyunlarına gəlincə, ilk görüş 2012-ci il 14 noyabrda Belfastda, cavab oyunu isə 2013-cü ilin 11 oktyabrında Bakıda baş tutacaq.
Yığmamızın britaniyalılarla oyunlarına gəlincə, ilk görüş 2012-ci il 14 noyabrda Belfastda, cavab oyunu isə 2013-cü ilin 11 oktyabrında Bakıda baş tutacaq.
Komandamızın qrupunda Şimali İrlandiyadan başqa Portuqaliya, Rusiya, İsrail və Lüksemburq da yer alır.
