7 dekabr 2011 16:58
Qarabağ FK-dan XL azarkeşinə böyük jest
Dekabrın 10-da Premyer Liqanın 16-cı turunda “Qarabağ” Futbol Klubu “Xəzər Lənkəran”la qarşılaşacaq. Azerisport.az xəbər verir ki, Azərbaycanda ən maraqlı futbol derbilərindən biri məlum səbəblərdən dolayı azarkeşsiz keçiriləcək.
“Qarabağ” Futbol klubu baş vermiş hadisənin səbəbkarını qınamaqla yanaşı baş vermiş hadisədən təəssüfləndiyini bildirib: “Futbolun gözəlliyinin dolu tribunaların olduğu nəzərə alaraq, daim stadionda komandalarını dəstəkləməklə xüsusi azarkeş statusu formalaşdırmış “Xəzər Lənkəran” camiəsinin belə vacib oyunu izləməməsi futbol marağı baxımından məyusluq yaradır. Rəqib meydanında azarkeşsiz oynamaq bir üstünlük olsa da, “Qarabağ” komandasının “Xəzər Lənkəran” camiəsi tərəfindən daim həssaslıqla qarşılanmasını, qonaqpərvərliyini və azarkeşli futbolun daha gözəl olduğunu nəzərə alaraq “Xəzər Lənkəran” – “Qarabağ” matçında tamaşaçıların stadionda komandalarını dəstəkləməsinə etiraz etmədiyini bəyan edirik”.
