7 dekabr 2011 17:00
Ruslan Abışov: Çalışacağıq ki, məğlubiyyətin əvəzini çıxaq
"Neftçi"nin müdafiəçisi Ruslan Abışov Premyer Liqanın 16-cı turunun dekabrın 11-də keçiriləcək AZAL klubu ilə oyunu haqda fikirlərini bildirib. Azerisport.az xəbər verir ki, futbolçu klubun rəsmi saytına açıqlamasında komandasının rəqibi məğlub edərək, çempionluq yolunda daha bir addım atacağını deyib:
"Düşünürəm ki, bu, çempionatda ən çətin oyunlarımızdan biri olacaq. Çünki ilk dövrədə səfərdə AZAL-a 1:3 hesabı ilə məğlub olmuşduq. Həmin oyunda bəxtimiz də gətirməmişdi. Çalışacağıq ki, dekabrın 11-də məğlubiyyətin əvəzini çıxaq. İnşallah, qələbə qazanaraq, çempionluq yolunda daha bir addım atacağıq" - deyə Abışov bildirib.
