7 dekabr 2011 10:55
Simurq Turanla oyuna baş məşqçisiz çıxacaq
Futbol üzrə Azərbaycan Premyer Liqasının 15-ci turunun “Neftçi” ilə oyunundan (2:4) dərhal sonra “Simurq”un baş məşqçisi Sergey Yuran vətəninə - Rusiyaya yola düşüb. Azerisport.az xəbər verir ki, Zaqatala klubunun bu səfərində məqsəd Pro kateqoriyalı məşqçi kursunda iştirak etməkdi.
Gənc mütəxəssis Azərbaycana dekabrın 15-də qayıdacaq. Belə olan halda komandanı 16-cı turun “Turan”la oyununa Yuran çıxara bilməyəcək. Güman ki, bu işi onun köməkçiləri yerinə yetirəcək.
Qeyd edək ki, “Turan”la “Simurq” arasındakı görüş dekabrın 10-da baş tutacaq.
