9 dekabr 2011 13:32
Xəzər Lənkəranın debüt ənənəsi qorunacaqmı?
Azərbaycan Premyer Liqasının 16-cı turunun “Qarabağ”la ev oyunu “Xəzər Lənkəran”ın yeni baş məşqçisi Cüneyt Biçer üçün xüsusi əhəmiyyət kəsb edir. Azerisport.az xəbər verir ki, dekabrın 10-da keçiriləcək qarşılaşma türkiyəli mütəxəssisin yeni komandasındakı debüt matçı olacaq.
Bu klubun tarixi ərzində 7-ci baş məşqçi olan Biçer 7 rəqəminin xoşbəxt rəqəm sayılmasının təsadüf olmadığını sübut etməlidi. Ona qədər “Xəzər Lənkəran”ın heç bir baş məşqçisi debüt matçında uduzmayıb. Lakin qələbə də hər mütəxəssisə nəsib olmayıb. Viktor Pasulko, Ağasəlim Mircavadov və Mirça Rednik ilk matçlarında qələbə sevinci yaşayıblar. Onların üçü də Lənkəranda minimal fərqli qələbəyə seviniblər. Digər 3 çalışdırıcı isə komandamızdakı fəaliyyətini heç-heçə ilə başlayıb.
Qeyd edək ki, Nazim Süleymanov, Rasim Kara və Mircavadov komandaya iki dəfə baş məşqçi təyin olunub. Onların qayıdışdan sonrakı ilk görüşləri debüt matçı sayılmır. Həmçinin bu vəzifəni müvəqqəti icra edənlərin də “Xəzər Lənkəran”ı meydana çıxarması şərti xarakter daşıyıb.
Baş məşqçilərin debüt oyunları
|
Baş məşqçi
|
Tarix
|
Oyun
|
Hesab
|
|
Nazim Süleymanov
|
07.08.2004
|
“Turan” – “Xəzər Lənkəran”
|
1:1
|
|
Rasim Kara
|
30.10.2004
|
“MKT-Araz” - “Xəzər Lənkəran”
|
0:0
|
|
Viktor Pasulko
|
12.02.2006
|
“Xəzər Lənkəran” - “Olimpik”
|
1:0
|
|
Ağasəlim Mircavadov
|
11.08.2006
|
“Xəzər Lənkəran” – “Neftçi”
|
2:1
|
|
İqor Ponomaryov
|
15.02.2009
|
“Xəzər Lənkəran” - “Karvan”
|
0:0
|
|
Mirça Rednik
|
07.08.2010
|
“Xəzər Lənkəran” – “Qəbələ”
|
1:0
|
