Fabio Luis: Bunu faciəyə çevirmirik
10 dekabr 2011 13:48
“Bakı”nın yarımmüdafiəçisi Fabio Luis Ramim Premyer Liqanın 16-cı turunun “Rəvan”la oyunu öncəsi azerisport.az saytının suallarını cavablandırıb.
- Bir müddət öncə kubokda yendiyiniz “Rəvan”la bu dəfəki görüş haqda nə düşünürsüz?
- “Rəvan” yaxşı komandadı. Bizə problem yarada bilərlər. Bunun belə olacağına əminəm. Əla oyun sərgiləyirlər. Elə onların çempionatın liderlərinə qarşı oyunlarına baxsaz, hər şey aydın olar.
- Belə olan halda “Bakı” nə edəcək?
- Bizə başa düşmək lazımdı ki, artıq zəif rəqib olmur. Biz “Rəvan”ı yenməyə sadəcə, borcluyuq.
- Bizə başa düşmək lazımdı ki, artıq zəif rəqib olmur. Biz “Rəvan”ı yenməyə sadəcə, borcluyuq.
- İlk altılığa vəsiqəni rəsmiləşdirmədiyinizə görə belə düşünürsüz?
- Düzünü deyim ki, mən ilk altılıqdakı yerimizi daha tez təmin edəcəyimizi düşünürdüm. Amma təəssüf ki, bu yolda bizi çox çətin mübarizə gözləyir.
- Belə oyunla “Bakı” ilk altılıqda yer alacağına ümid edə bilər?
- Şübhəsiz ki, biz bunun üçün ilk növbədə oyunumuzu yaxşılaşdırmalıyıq. Bizim əsas məqsədimiz avrokuboklara vəsiqə qazanmaqdı. Buna da ilk altılığa düşmədən nail olmaq olmaz.
- Şübhəsiz ki, biz bunun üçün ilk növbədə oyunumuzu yaxşılaşdırmalıyıq. Bizim əsas məqsədimiz avrokuboklara vəsiqə qazanmaqdı. Buna da ilk altılığa düşmədən nail olmaq olmaz.
- Son turda AZAL-a məğlubiyyətin səbəbini nədə görürsüz?
- Biz həmin oyunun birinci hissəsində çox pis təsir bağışladıq. Özümüzə oxşamırdıq. Qol vəziyyətləri yaratmaqda çətinlik çəkirdik. Belə vacib oyunda məğlubiyyətlə üzləşməyimizi hələ də qəbul edə bilmirəm. Hansı ki, bu oyunda qazanılacaq xallar qızıla bərabər idi.
- Sanki bu yenilgi sizin üçün faciəyə bərabərdi...
- Xeyr, bunu faciəyə çevirmirik. Amma biz həmin oyunda qol vurmalı, uduzmamalı idik. Cahangir Həsənzadə 3 dəfə komandasını real qoldan xilas etdi. “Rəvan”la oyunda daha dəqiq olmalıyıq.
