11 dekabr 2011 00:02
Xəzər Lənkəran və Qarabağ azarkeşlərin ümidlərini doğrultmadı
“Xəzər Lənkəran” və “Qarabağ” öz azarkeşlərinin, eləcə də saytımızın oxucularının ümidlərini doğrultmayıb. Azerisport.az xəbər verir ki, bunu deməyə saytımızda aparılan sorğunun nəticələri imkan verir.
Belə ki, bu komandalar arasındakı oyun ərəfəsində “Sizcə, Premyer Liqanın 16-cı turun “Xəzər Lənkəran” – “Qarabağ” matçı necə başa çatacaq” sualı ilə sorğu keçirmişdik. Sorğuya qatılanların 43 faizi (168 səs) bu görüşdə Ağdam klubunun qələbə qazanacağını proqnozlaşdırmışdı.
Respondentlərin 41 faizi isə (160 səs) meydan sahiblərinin qələbə qazanacağına inandığını ifadə etmişdi. Amma göründüyü kimi, onların bu proqnozları özünü doğrultmadı. Çünki sözügedən matçda tərəflər qalibi müəyyənləşdirə bilmədi – 0:0. Hansı ki, sorğuya qatılanların qalan hissəsi məhz bu varianta səs vermişdilər.
