11 dekabr 2011 17:19
Quluzadə oynamadı, komandası xal itirdi (YENİLƏNİB)
Türkiyənin Bank Asya birinci liqasında 15-ci turun oyunları keçirilib. Azerisport.az xəbər verir ki, millimizin yarımmüdafiəçisi Amit Quluzadənin çıxış etdiyi “Kayseri Erciyesspor” da bu gün növbəti oyununa çıxıb.
Həmyerlimizin komandası evdə “Kasımpaşa” ilə qarşılaşıb. Qeyd edək ki, Kayseri təmsilçisi bu oyun öncəsi 26 xalla dördüncü pillədə gedirdi. “Kasımpaşa” isə 24 xalla “Erciyesspor”un əsas izləyicisiydi. Bir sözlə meydan sahibləri altı xallıq bu oyunda qələbə qazanmaqla əsas rəqiblərindən birini özündən uzaqladırmış olacaqdı. Amma məhsuldar alınan görüşdə tərəflər meydandan sülhlə ayrılıblar.
Komandasının əsas heyət oyunçularından birinə çevrilən Amitin bu dəfə hansı aqibəti yaşayacağı maraqla gözlənilirdi. Baş məşqçi Fikret Yılmaz millimizin üzvünü bu oyunda ehtiyatda saxlayıb.
Türkiyə Bank Asya birinci liqası
15-ci tur
11 dekabr
Erciyesspor – Kasımpaşa - 2:2 (2:1)
Qollar: Emrah Bozkurt, 17, Sofiane Hanni, 45 - Gökhan Güleç, 31, Şahin Aygüneş, 75.
