11 dekabr 2011 13:45
Ufuk Budaq oynadı, komandası Stuttgartdan xal aldı
Almaniya Bundesliqasında çıxış edən klubların əvəzedici heyətləri arasında təşkil olunan ölkə çempionatında 21-ci turun oyunları keçirilib. Azerisport.az xəbər verir ki, futbol üzrə Azərbaycan yığmasının müdafiəçisi Ufuk Budağın şərəfini qoruduğu “Freiburg” da növbəti oyununa çıxıb.
Onun komandası səfərdə turnir cədvəlinin birinci pilləsində qərarlaşan “Stuttgart”ın qonağı olub. Qarşılaşma qolsuz heç-heçə ilə başa çatıb.
Ufuk bu görüşün start heyətində yer almasa da, artıq 15-ci dəqiqədə meydana çıxmağ şansı qazanıb. O, görüşün sonuna kimi meydanda olub.
Qeyd edək ki, Budağın komandası hazırda 30 xalla 9-cu pillədə qərarlaşıb.
