12 dekabr 2011 15:34
34x34
Məlum olduğu kimi, 2010/11 mövsümünün qalibi olan "Neftçi" hazırda futbol üzrə Azərbaycan Premyer Liqasının vahid lideridi. Azerisport.az xəbər verir ki, komanda AZAL üzərində möhtəşəm qələbədən (7:1) sonra 34 xal toplayıb.
Maraqlıdı ki, "təyyarəçilər"in qapısından 7 top keçirən flaqman vurulan qolların da sayını 34-ə çatdırıb. "Neftçi" bu mövsüm keçirdiyi 16 çempionat oyunundan 4-də böyük hesablı qələbə qazanıb. “Flaqman” AZAL-la (7:1) yanaşı, "Xəzər Lənkəran" (5:0) və "Sumqayıt Şəhər" (4:0) klublarını da darmadağın edib. Komanda bundan əlavə, bir oyunda "Simurq"u 4 (4:2), "Qarabağ"ı isə 3 (3:2) dəfə məyus etməyi bacarıb.
Premyer Liqanın bombardirlərinin siyahısına da "Neftçi"nin futbolçusu başçılıq edir. Özbəkistanlı hücumçu Bahodir Nasimov rəqib qapılarından 10 top keçirib. O, ən yaxın izləyicisini 3 top geridə qoyur.
