12 dekabr 2011 11:52
Mehman Allahverdiyev: Üçü yanlış, üçü doğru
“Kəpəz”in sabiq baş məşqçisi Mehman Allahverdiyev Premyer Liqamızın 16-cı turunun oyunları ilə bağlı verdiyi proqnozlardan üçündə yanılıb. Azerisport.az xəbər verir ki, o, 3 görüşün nəticəsini öncədən düzgün proqnozlaşdırsa da, qalanlarının nəticəsini müəyyənləşdirə bilməyib.
Belə ki, Allahverdiyev “Simurq” – “Turan” və “Neftçi” – AZAL görüşlərində meydan sahiblərinin qələbə qazanacağını, eləcə də “Xəzər Lənkəran” – “Qarabağ” oyununda heç-heçə qeydə alınacağını öncədən dəqiq müəyyənləşdirib.
Lakin onun “Sumqayıt Şəhər” – “Kəpəz” oyununun heç-heçə bitəcəyinə, “Rəvan” – “Bakı”, həmçinin “Qəbələ” – “İnter” görüşündə qonaqların qələbə qazanacağına dair proqnozları özünü doğrultmayıb.
