13 dekabr 2011 14:33
Azərbaycan millisinin üzvü 6 aylığa sıradan çıxdı
Xəbər verdiyimiz kimi, futzal üzrə Azərbaycan yığması ciddi itki ilə üzləşib. Azerisport.az xəbər verir ki, DÇ-2012-nin seçmə mərhələ oyunları ərəfəsində yığmamızın aparıcı üzvlərindən Biro Jade sıradan çıxıb.
O, çıxış etdiyi Ukraynanın “Uragan” klubunun heyətində ciddi zədə alıb. Bu üzdən də yığmamızın braziliyalı legioneri qarşıdakı oyunlarda komandamıza kömək edə bilməyəcək. Özü də təəssüf ki, futbolçunun zədəsi çox ciddidi və onu uzun müddət meydanlardan kənarda qoyacaq. 38 yaşlı oyunçunun ən azı 6 ay futzal oynaya bilməyəcəyi bildirilir.
Qeyd edək ki, Azərbaycanın da yer aldığı 5-ci qrupun oyunları dekabrın 15-18-də Bakıda keçiriləcək. Millimiz bu qrupdan çıxmaq üçün Ukrayna, Makedoniya və Xorvariya ilə mübarizə aparacaq.
