14 dekabr 2011 15:36
“Biz Xəzər Lənkəranı Rednikə görə sevməmişik”
“Xəzər Lənkəran”ın “Caspian Ultra” fan-klubunun rəhbəri Tural Əlizadə azerisport.az saytına müsahibəsində komanda ətrafında baş verən son olaylara münasibətini açıqlayıb.
- Lənkəranlı azarkeşlərin klub rəhbərliyindən kəskin şəkildə narazı olduğu barədə deyilənlər doğrudu?
- Bəzi adamlar belə fikir formalaşdırırlar ki, azarkeşlər guya rəhbərlikdən inciyib. Biz Lənkəranda ən böyük fan-klubuq. 700-dən çox rəsmi üzvümüz var. Biz daim klubu dəstəkləmişik. Bəzi adamlar unudurlar ki, futbolu rəhbərlik oynamır.
- Yəni klub rəhbərliyinin baş məşqçi dəyişikliyindən razı qaldınız?
- Əgər rəhbərlik Redniklə yolları ayırmağa qərar verdisə, deməli belə lazım biliblər. Bizim işimiz komandaya dəstək olmaqdı. “Xəzər Lənkəran”a olan sevgimizə gəlincə, biz bu komandanı Rednikə görə sevməmişik. Biz bunu “Xəzər Lənkəran” olduğu, Lənkəranı təmsil etdiyinə görə sevmişik. Həyat bununla qurtarmır. “Xəzər Lənkəran” rumıniyalı mütəxəssisdən öncə də var idi, bundan sonra da olacaq.
- Əgər rəhbərlik Redniklə yolları ayırmağa qərar verdisə, deməli belə lazım biliblər. Bizim işimiz komandaya dəstək olmaqdı. “Xəzər Lənkəran”a olan sevgimizə gəlincə, biz bu komandanı Rednikə görə sevməmişik. Biz bunu “Xəzər Lənkəran” olduğu, Lənkəranı təmsil etdiyinə görə sevmişik. Həyat bununla qurtarmır. “Xəzər Lənkəran” rumıniyalı mütəxəssisdən öncə də var idi, bundan sonra da olacaq.
- İstənilən halda Rednikcə belə sevgi hardan idi? Axı Ağasəlim Mircavadovla Rasim Kara heç belə sevgi qazana bilməmişdi...
- Onun oyundan kənar davranışları. O, səmimi insan idi. Azarkeşlərlə çox yaxşı münasibəti var idi. Onunla münasibətlər hətta “Neftçi”yə 0:5 hesablı məğlubiyyətdən sonra da demək olar ki, dəyişməmişdi. Başqa ölkədə tam fərqli ola bilərdi.
- Həmin məğlubiyyəti unuda bilmirsiz?
- Bu oyun artıq tarixdə qalıb. Neçə il idi biz onları udurduq. Qoy indi də onlar bir az sevinsinlər. Biz qabağa baxırıq. Hər şeyə rəğmən, komandamızı dəstəkləyəcəyik.
- Bu oyun artıq tarixdə qalıb. Neçə il idi biz onları udurduq. Qoy indi də onlar bir az sevinsinlər. Biz qabağa baxırıq. Hər şeyə rəğmən, komandamızı dəstəkləyəcəyik.
- Cüneyt Biçerin təyinatını necə qarşıladınız?
- Düzünü deyim ki, bu bizim üçün sürpriz oldu. Nə etmək olardı ki. Onu da dəstəkləməyə borcluyuq.
- Düzünü deyim ki, bu bizim üçün sürpriz oldu. Nə etmək olardı ki. Onu da dəstəkləməyə borcluyuq.
- Son dövrlər komandanın oyunlarına azarkeş axını azalmağa başlayıb...
- Bu, normaldı. Əminəm ki, bu mövsüm çempion məhz komandamız olacaq. Hələ öz rəqiblərimizə gücümüzü göstərəcəyik. Komandamızın belə çətin anında bütün azarkeşlərimizi bizə qoşulmağa çağırıram. Komandanı dəstəkləmək lazımdı, daha təxribatlara getmək yox.
