14 dekabr 2011 11:44
Qarabağın sonuncu Ağdam səfəri
“Qarabağ” Ağdama yollanır. Azerisport.az xəbər verir ki, 20 günlük fasilədən sonra komanda Premyer Liqanın növbəti turunu oynamaq üçün Quzanlıya gedir.
İlin son ev oyununda “Rəvan”ı qəbul edəcək komanda artıq Bakı hazırlıqlarını tamamlayıb. Günorta yeməyindən sonra yola çıxacaq komanda axşam dincələk, sabah isə 1 saatlıq qısa məşqə çıxacaq.
Xatırladaq ki, debütantla oyunöncəsi komandada zədəli yoxdu. Amma, “Xəzər Lənkəran”la oyunda 4-cü sarı vərəqəsini alan Roşa “sarı-qırmızılar”la oyunu buraxmalı olacaq. İlqar Qurbanov və Maksim Medvedevin yüngül zədələri olsa da durumları ciddi deyil. Onların oynamaması üçün heç bir səbəb yoxdu.
Xatırladaq ki, “Qarabağ” – “Rəvan” oyunu dekabrın 16-sında saat 14:00-da keçiriləcək.
