15 dekabr 2011 12:39
Rikardinyo Xəzər Lənkərana qayıdır
“Xəzər Lənkəran”ın braziliyalı futbolçusu Rikardo Qomeş Azərbaycana qayıdır. Klubdan azerisport.az saytına verilən xəbərə görə, yarımmüdafiəçi artıq qərarını dəyişib və yenidən bu komandanın formasını geyməkdə maraqlıdı.
Xatırladaq ki, bu futbolçu sabiq baş məşqçi Mirça Rednikin istəyi ilə yayda transfer olunmuşdu. Amma görünür məhz onunla arasındakı problemlər səbəbindən Braziliyaya gedərək, ölkəmizə qayıtmaq istəmirdi. Bu üzdən Lənkəran klubu Rikardinyodan Braziliya Futbol Federasiya şikayət etmişdi. XL hətta belə bir şikayəti FİFA-ya da ünvanlanmağa hazırlaşırdı.
Amma son məlumata görə, futbolçu artıq klub rəhbərliyinin qayıtmaq əmrinə razılıq verib. Onun yanvar toplanışından etibarən komandaya qoşulacağı bildirilir.
