17 dekabr 2011 00:11
Alesio da Silva: Pley-offa vəsiqə qazanmaq istəyirik
Xəbər verdiyimiz kimi, futzal üzrə dünya çempionatının əsas seçmə mərhələsinin 5-ci qrupunda Azərbaycan və Makedoniya milli komandalarının qarşılaşmasından futzalçılarımız 7:1 hesablı qələbə ilə ayrıldılar. Azerisport.az xəbər verir ki, qarşılaşma başa çatdıqdan sonra Azərbaycan millisinin baş məşqçisi Joze Alesio da Silva bunları dilə gətirib:
“Komanda bugünkü oyuna yaxşı köklənmişdi. Bu gün yaratdığımız qol imkanlarından istifadə edə bildik. Xorvatiya yığması ilə oyunda isə 15 əlverişli epizodun yalnız birində qol vurduq. Növbəti oyunda da qələbə qazanıb, pley-off mərhələsinə vəsiqə qazanmaq istəyirik”.
