16 dekabr 2011 16:34
Trabzonspor PSV, Beşiktaş Braga ilə düşdü (YENİLƏNİB)
Bu gün UEFA Avropa Liqasının 1/16 final mərhələsinin püşkü atılır. Azerisport.az xəbər verir ki, Bakı vaxtı ilə saat 16:00-da başlayacaq tədbir UEFA-nın Nyondakı mənzil-qərargahında keçiriləcək.
Qitənin ÇL-dən sonra ikinci ən nüfuzlu klub turnirinini pley-off mərhələsinə vəsiqə qazanan 24 iştirakçı öz qruplarında ilk iki pillənin sahibləridi. Onlar aşağıdakılardı:
Qrup qalibləri:
PAOK (Yunanıstan), Standard (Belçika), PSV (Hollandiya), Sporting (Portuqaliya), Beşiktaş (Türkiyə), Athletic (İspaniya), Metallist (Xarkov, Ukrayna), Brugge (Belçika), Atletico (İspaniya), Schalke (Almaniya), Twente (Hollandiya), Anderlecht (Belçika).
Qrup ikinciləri:
Rubin (Rusiya), Hannover (Almaniya), Legia (Polşa), Lazio (İtaliya), Stoke City (İngiltərə), Salzburg (Avstriya), AZ Alkmaar (Hollandiya), Braga (Portuqaliya), Udinese (İtaliya), Steaua (Rumıniya), Wisla (Polşa), Lokomotiv (Moskva, Rusiya).
Qalan 8 komanda isə ÇL-də qrupda 3-cü yeri tutaraq, Avroliqaya “transfer” olanlardı. Həmin klublar isə bunlardı:
Çempionlar Liqasında gələnlər:
Manchester City (İngiltərə), Trabzonspor (Türkiyə), Manchester United (İngiltərə), Ajax (Hollandiya), Valencia (İspaniya), Olympiacos (Yunanıstan), Porto (Portuqaliya), Viktoria (Çexiya).
Manchester City (İngiltərə), Trabzonspor (Türkiyə), Manchester United (İngiltərə), Ajax (Hollandiya), Valencia (İspaniya), Olympiacos (Yunanıstan), Porto (Portuqaliya), Viktoria (Çexiya).
Şübhəsiz ki, Avroliqa iştirakçıları arasında bizləri də daha çox qardaş Türkiyənin iki təmsilçisi – “Trabzonspor”la “Beşiktaş” maraqlandırır. Trabzon klubu ÇL-dən gələnlərin səpələnməmişləri, “Qara qartallar” isə səpələnmişlər arasında yer alıb. Qeyd edək ki, püşkatma zamanı pley-offun ilk mərhələsində eyni qrupda oynayanların və bir ölkəni təmsil edənlərin bir-birinə rəqib olmasına imkan verilməyəcək.
Səpələnmişlər:
PAOK, Standard, PSV, Sporting, Beşiktaş, Athletic, Metallist, Brugge, Atletico, Schalke, Twente, Anderlecht, Manchester City, Manchester United, Olympiacos, Valencia.
Səpələnməmişlər:
Rubin, Hannover, Legia, Lazio, Stoke City, Salzburg, AZ Alkmaar, Braga, Udinese, Steaua, Wisla , Lokomotiv, Porto, Ajax, Trabzonspor, Viktoria.
Püşkatma nəticəsində aşağıdakı cütlüklər formalaşıb:
Porto - Manchester City
Ajax - Manchester United
Lokomotiv - Athletic
Salzburg - Metallist
Stoke City - Valencia
Rubin - Olympiacos
AZ Alkmaar - Anderlecht
Lazio - Atletico
Steaua - Twente
Viktoria - Schalke
Wisla - Standard
Braga - Beşiktaş
Udinese - PAOK
Trabzonspor - PSV
Hannover - Brugge
Legia - Sporting
Qeyd edək ki, bu mərhələnin ilk oyunları fevralın 16-da, cavab görüşləri isə 23-də keçiriləcək.
