16 dekabr 2011 15:45
ÇL-in püşkü atıldı (YENİLƏNİB)
Bu gün UEFA Çempionlar Liqasının pley-off - 1/8 final mərhələsinin püşkü atılıb. Azerisport.az xəbər verir ki, Bakı vaxtı ilə saat 15:00-da başlayan mərasim EFA-nın Nyondakı mənzil-qərargahında keçirilib.
Püşkatmada Avropanın ən nüfuzlu klub turnirində mübarizəni davam etdirən 16 komanda rəqiblərini tanıyıb. Püşk ərəfəsində iştirakçılar səpələnmişlərə və səpələnməmişlərə bölünmüşdülər. Qruplarda 1-ci yeri tutanlar səpələnmişlər, 2-ci pillədə yer alanlar isə səpələnməmişlər səbəbətində yer almışdılar. Lakin püşk zamanı qrupda bir yerdə mübarizə aparanların və eyni ölkələrin təmsilçilərinin 1/8 finalda görüşməsinə imkan verilməyib.
Qrup qalibləri, səpələnmişlər:
Bayern (Almaniya), Inter (İtaliya), Benfica (Portuqaliya), Real (İspaniya), Chelsea (İngiltərə), Arsenal (İngiltərə), APOEL (Kipr), (Barcelona, İspaniya).
Qrup ikinciləri, səpələnməmişlər:
Napoli (İtaliya), CSKA (Moskva), Basel (İsveçrə), Olympique (Lion, Fransa), Bayer (Almaniya), Olympique (Marsel), Zenit (Rusiya), Milan (İtaliya).
Napoli (İtaliya), CSKA (Moskva), Basel (İsveçrə), Olympique (Lion, Fransa), Bayer (Almaniya), Olympique (Marsel), Zenit (Rusiya), Milan (İtaliya).
Püşkatma nəticəsində aşağıdakı cütlüklər yaranıb:
Olympique (Lion) - APOEL
Napoli - Chelsea
Milan - Arsenal
Basel - Bayern
Bayer - Barcelona
CSKA (Moskva) - Real
Zenit - Benfica
Olympique (Marsel) - İnter
Qeyd edək ki, bu mərhələnin ilk oyunları 2012-ci ilin mart ayının 6-7-də, cavab görüşləri isə 13-14-də keçiriləcək.
