20 dekabr 2011 01:07
Ektor Kuper Superliqa klubunda
Türkiyənin "Orduspor" klubunun yeni baş məşqçisi müəyyənləşib. Azerisport.az xəbər verir ki, Ordu klubu argentinalı Ektor Kuperlə anlaşıb.
Bu barədə klubun prezidenti Nedim Türkmen açıqlama verib. Prezident bildirib ki, yeni baş məşqçi bu gün İstanbula gələrək rəsmi müqaviləyə imza atacaq. Anlaşmanın müddəti 1,5+1 illik olacaq. O, bu postda "Genclerbirliği" ilə oyundan sonra istefa verən Metin Diyadini əvəzləyəcək.
Qeyd edək ki, Kuper karyerası ərzində Argentinanın "Hurakan", "Lanus", İspaniyanın "Mallorca", "Valencia", "Betis", "Racing", Yunanıstanın "Aris", İtaliyanın "İnter", "Parma" klublarını və Gürcüstan yığmasını çalışdırıb.
56 yaşlı mütəxəssis "Mallorca" ilə İspaniya Kubokunun və Kuboklar Kubokunun finalında oynayıb, İspaniya Super kubokunu qazanıb. 1999-2000 və 2001-2002 mövsümlərində "Valencia"nı iki dəfə Çempionlar Liqasının finalına çıxaran argentinalı yenidən İspaniya Super Kubokuna sahib çıxıb.
