20 dekabr 2011 17:24
“Xorvatlar bununla özlərinə bəraət qazandırmaq istəyirlər”
Azərbaycan Futzal Federasiyasının prezidenti Zaur Axundov xorvatların ittihamlarını cavablandırıb. Azerisport.az saytına müsahibəsində o, DÇ-2012-nin seçmə mərhələsi çərçivəsində keçirilən Ukrayna – Azərbaycan matçının nəticəsinin (2:4) öncədən razılaşdırılması barədə iddialara belə cavab verib:
“Bu oyunu UEFA nümayəndələri də izləyirdilər. Hər şey dəqiq idi. Əgər biz həmişə Ukraynaya uduzsaydıq, onda başqa məsələ. Amma son illərdə bu komandayla duellərdə həmişə qələbə qazanmışıq. Yeri gəlmişkən, son Avropa çempionatında bizim qrupda Macarıstan Çexiyanı 5:0 məğlub edirdi. Amma ikinci hissədə çexlər 6 qol vurmağa nail oldular və 6:5 hesabıyla qələbə qazandılar. Məhz bunun sayəsində də pley-offa çıxdılar. Bu o deməkdi ki, bütün belə oyunlarda nəticə öncədən razılaşdırılır? Bunlar gülməlidi. Hesab 2:2 olanda biz meydana qapıçının əvəzində də oyunçu buraxdıq və məhz bundan sonra istədiyimiz nəticəni əldə etdik. Futzalla az-çox məşğul olan adam bunun nə demək olduğunu yaxşı bilir. Məncə, xorvatların baş məşqçisi sadəcə özlərinə bəraət qazandırmaq istəyir. Yaxşı olardı ki, onlar Ukraynanı məğlub edərdilər”.
“Bu oyunu UEFA nümayəndələri də izləyirdilər. Hər şey dəqiq idi. Əgər biz həmişə Ukraynaya uduzsaydıq, onda başqa məsələ. Amma son illərdə bu komandayla duellərdə həmişə qələbə qazanmışıq. Yeri gəlmişkən, son Avropa çempionatında bizim qrupda Macarıstan Çexiyanı 5:0 məğlub edirdi. Amma ikinci hissədə çexlər 6 qol vurmağa nail oldular və 6:5 hesabıyla qələbə qazandılar. Məhz bunun sayəsində də pley-offa çıxdılar. Bu o deməkdi ki, bütün belə oyunlarda nəticə öncədən razılaşdırılır? Bunlar gülməlidi. Hesab 2:2 olanda biz meydana qapıçının əvəzində də oyunçu buraxdıq və məhz bundan sonra istədiyimiz nəticəni əldə etdik. Futzalla az-çox məşğul olan adam bunun nə demək olduğunu yaxşı bilir. Məncə, xorvatların baş məşqçisi sadəcə özlərinə bəraət qazandırmaq istəyir. Yaxşı olardı ki, onlar Ukraynanı məğlub edərdilər”.
