20 dekabr 2011 11:41
72-ci və 27-ci
Premyer Liqanın 17-ci turunun “Kəpəz”lə oyunu “Xəzər Lənkəran”ın gənc futbolçusu Zahid Quliyev üçün əlamətdar olub. Azerisport.az xəbər verir ki, o, matçda sonuncu qolu vurmaqla həm komandasının 4:1 hesablı qələbəsini rəsmiləşdirib, həm də “Xəzər Lənkəran”da qol hesabını açıb.
Quliyev klubunun tarixində qol sevinci yaşayan 72-ci futbolçu olub. Bu oyunçulardan 45-nin legioner olduğunu nəzərə alsaq Zahid 27-ci azərbaycanlıdı ki, “Xəzər Lənkəran”ın formasında qol sevinci yaşayır.
Qeyd edək ki, “Xəzər Lənkəran”ın özünün 72 futbolçusu ilə yanaşı daha 5 rəqib oyunçu da azarkeşlərə qol sevinci yaşadıb. Onlar avtoqol müəllifi olublar.
