24 dekabr 2011 15:09
Araz Abdullayev Superliqa klubunda
İngiltərənin “Everton” klubuna məxsus olsa da, icarə əsasında “Neftçi”də çıxış edən Azərbaycan yığmasının yarımmüdafiəçisi Araz Abdullayev karyerasını Yunanıstanda davam etdirəcək. Azerisport.az xəbər verir ki, o, sözügedən ölkənin Superliqa klubundan - "Panionios"dən rəsmi təklib alıb.
Yunanlar Arazı mövsümün sonuna qədər icarəyə götürmək istəyirlər. Artıq "Everton"un da məsələdən xəbəri var. Yunanlar futbolçunun tez bir zamanda klubun düşərgəsində olmasını, komandaya uyğunlaşmasını istəyirlər. Buna görə də Araz ilin sonuna kimi sözügedən ölkəyə yollanıb, tibbi müayinədən keçməli, rəsmi sənədlərə imza atmalıdı.
Qeyd edək ki, “Panionios” Yunanıstan Superliqasında hazırda 14 turdan sonra 13 xalla 10-cu pillədə gedir. Araza gəlincə, o, bir müddət öncə Fransanın “Rennes” klubunun da maraq dairəsinə düşmüşdü. Lakin hətta bu klubun düşərgəsinə də gedən həmyerlimizə əvəzedici heyət oyunçusu gözüylə baxıldığı üçün bu keçidə nə “Everton”, nə də Abdullayev özü razılaşmışdı.
