25 dekabr 2011 00:17
Serjao: Azərbaycan millisinin çıxışından narazı qaldım
Futzal üzrə Azərbaycan yığmasının oyunçusu Serjao DÇ-2012-nin Bakıda keçirilən seçmə mərhələsinin qrup oyunlarını dəyərləndirib. Azerisport.az saytına müsahibəsində o, bunları dilə gətirib:
“Əlbəttə, seçmə mərhələdəki çıxışımızdan narazı qaldım. Biz daha yaxşı çıxış edə bilərdik. Çünki oyunlar doğma divarlar arasında keçirilirdi, yaxşı dəstəyə malik idik. Məsələn, Xorvatiya ilə ilk oyunda ələ düşən çoxsaylı epizodları boşa verdik ki, sonda da məğlubiyyətlə üzləşdik. Ukrayna isə daha yaxşı oyun sərgiləməklə qrupumuzu birinci yerlə bitirdi. Bu üzdən də pley-offda bizi daha çətin rəqib gözləyir".
“Əlbəttə, seçmə mərhələdəki çıxışımızdan narazı qaldım. Biz daha yaxşı çıxış edə bilərdik. Çünki oyunlar doğma divarlar arasında keçirilirdi, yaxşı dəstəyə malik idik. Məsələn, Xorvatiya ilə ilk oyunda ələ düşən çoxsaylı epizodları boşa verdik ki, sonda da məğlubiyyətlə üzləşdik. Ukrayna isə daha yaxşı oyun sərgiləməklə qrupumuzu birinci yerlə bitirdi. Bu üzdən də pley-offda bizi daha çətin rəqib gözləyir".
Millimizin braziliyalı oyunçusu öz çıxışını da dəyərləndirib: "Düzünü deyim ki, mən də yaxşı oynamadım. Biro Jadesiz mənə həqiqətən çətin idi. Ona görə də bu dəfə çətin oldu. Amma baş məşqçi mənə o qədər də çox irad tutmadı”.
Serjao xorvatların danışılmış olduğunu iddia etdiyi Azərbaucan – Ukrayna matçına da (4:2) xüsusi toxunub: “Uduzan tərəf həmişə narazı qalır. Xorvatlar nə istəsə, danışa bilərlər. Amma mən qeyd etməliyəm ki, Ukrayna ilə oyunumuz çox çətin alındı. Gərgin oyun oldu. Biz yalnız beş meydan oyunçusu ilə mübarizə apararkən lazım ola iki qolu vura bildik. Ondan sonra da qol buraxmamaq haqda düşünməyə başladıq. Hər halda vəsiqəsiz qalmaqdansa, ikinci yerlə çıxmağımız daha yaxşı nəticə idi”.
