26 dekabr 2011 00:03
Amit Quluzadə baş məşqçisiz qaldı
Futbol üzrə Azərbaycan yığmasının gənc yarımmüdafiəçisi Amit Quluzadə baş məşqçisiz qalıb. Azerisport.az xəbər verir ki, futbolçumuzun çıxış etdiyi Türkiyənin "Erciyesspor" klubunun baş məşqçisi Fikrət Yılmaz istefa verib.
Türkiyə mətbuatının məlumatına görə, buna səbəb baş məşqçi ilə klub rəhbərliyi arasında fikir ayrılığının yaranması olub. Belə ki, Fikrət Yılmaz ikinci yarı üçün daha güclü heyət qurmaq istəyib və transfer siyahısını rəhbərliyə təqdim edib. Lakin "Erciyesspor"un idarə heyəti transfer siyahısını qəbul etməyib. Bundan sonra İdarə Heyətinin sədri Ziya Erenə zəng edən baş məşqçi istefa verdiyini bildirib.
Komandanın Kemalettin Şentürkə tapşırılacağı gözlənilir.
