27 dekabr 2011 16:12
Turan Gürcüstan klubu üzərində qələbəyə sevindi
Futbol üzrə Azərbaycan Premyer Liqasında turnir cədvəlinin son pilləsində qərarlaşan “Turan” yoxlama oyununda qüvvəsini sınayıb. Azerisport.az xəbər verir ki, Tovuz təmsilçisi bu gün Gürcüstanın yüksək dəstə komandalarından “Spartak Sxinvali” ilə qarşılaşıb.
"Turan" klubunun mətbuat katibi Süleyman Tağıyevin verdiyi məlumata görə, Qaraxanlı qəsəbə stadionunda keçirilən qarşılaşmadan tovuzlular 2:1 hesablı qələbə ilə ayrılıblar. “Turan”ın qollarını Hafiz Əliyev və Seymur Tağıyev vurublar.
Qeyd edək ki, dekabrın 29-da “Turan” daha bir Gürcüstan təmsilçisi “Qaqra” ilə yoldaşlıq oyunu keçirəcək. (PFL)
