27 dekabr 2011 18:02
Tsxadadze: Mükafatı azarkeşlərimizə həsr edirəm
Futbol üzrə Azərbaycan Premyer Liqasında dekabr ayının ən yaxşı oyunçusu seçilən “İnter”in hücumçusu Baçana Tsxadadze mükafat barədə fikirlərini bölüşüb. Azerisport.az xəbər verir ki, o, bunları dilə gətirib:
“Bu mükafata görə çox şadam və onu bütün azarkeşlərimizə və yanımda olan bütün insanlara həsr edirəm. Bu mükafat mənim üçün əla Yeni il hədiyyəsi oldu. Əlavə edim ki, mən bu uğurla kifayətlənməyəcəyəm və ona komanda mükafatı da əlavə etmək istəyirəm. Axı futbol ilk növbədə komanda oyunudur. Çox təəssüf ki, ailə vəziyyətimlə bağlı olaraq mükafatlandırma mərasimində şəxsən iştirak edə bilmədim. Lakin ümid edirəm ki, məni anlayacaqlar”.
“İnter”in hücumçusu həmçinin qarşıdan gələn bayramlar münasibətilə hamını təbrik edib: “Fürsətdən istifadə edərək, Azərbaycan xalqını Dünya Azərbaycanlılarının Həmrəyliyi Günü və Yeni il münasibətilə təbrik edir, hamıya cansağlığı və xoşbəxtlik arzulayıram”. (klub saytı)
