27 dekabr 2011 12:03
Vaqif Sadıqovun yeni patronu müəyyənləşdi
Rusiyanın "Anji" klubunun baş məşqçisinin adı açıqlanıb. Azerisport.az Mahaçqala klubunun rəsmi saytına istinadən xəbər verir ki, komanda yerli mütəxəssisə tapşırılıb.
Adı bir sıra məşhur klublarla yanaşı çəkilən, hətta Qus Hiddinklə anlaşdığı deyilən "Anji" Yuri Krasnojanla müqavilə bağlayıb. Onunla 5 illik müqavilə bağlanıb.
Qeyd edək ki, 48 yaşlı Krasnojan 2004-2010-cu illərdə Nalçik "Spartak"ını çalışdırıb. Bu ilin yanvar-iyul aylarında Moskva "Lokomotiv"inə başçılıq edən mütəxəssis iyuldan Rusiyanın ikinci yığmasını çalışdırır."Anji" rəhbərliyinin irazılığına əsasən o, klubla yanaşı yığmada da işləyəcək.
Onu da qeyd edək ki, milli komandamızın sabiq baş məşqçisi Vaqif Sadıqov "Anji"də məşqçi işləyir. Yeni baş məşqçinin onunla yoluna davam edib-etməyəcəyi bilinmir.
