27 dekabr 2011 00:24
Rəvan 7 futbolçusu ilə yollarını ayıracaq
“Rəvan” 7 futbolçusu ilə yollarını ayıracaq. Azerisport.az xəbər verir ki, bu haqda qərar bu həftə keçiriləcək klub daxili iclasda qəbul olunacaq.
Məhz həmin iclasda komandadan gedəcək oyunçuların konkret siyahısı açıqlanacaq. Hələlik, təxmini olaraq altı yerli, bir əcnəbi futbolçunun komandadan göndərilməsi gözlənilir.
Eyni zamanda komandanın gücləndirilməsi yolunda da müəyyən addımların atılması gözlənilir. Belə ki, bir əcnəbi hücumçunun, eləcə də bir neçə gənc yerli futbolçunun transferi gözlənilir. Bundan əlavə əvəzedici komandanın 2 üzvü də “Rəvan”ın əsas heyətinə cəlb olunacaq.
