28 dekabr 2011 13:33
Baş məşqçiyə 5 oyunluq cəza, Turana texniki məğlubiyyət
Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra aşağıdakı qərarlar çıxarılıb:
20 dekabr 2011-ci ildə U-17 Liqanın “Qəbələ” – “Turan” matçında qonaq komanda iştirak etmədiyi üçün “Turan”a 0:3 hesablı texniki məğlubiyyət verilib.
22 dekabr 2011-ci ildə U-16 Liqasının “Turan” – “Sumqayıt Şəhər” matçının 53-cü dəqiqəsində “Sumqayıt Şəhər” komandasının futbolçusu Fərid Kərimzadə hakimiləri təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb.
21 dekabr 2011-ci ildə U-15 Liqanın “Xəzər Lənkəran” – “Kəpəz” matçının 46-cı dəqiqəsində “Kəpəz”in futbolçusu İlham İbrahimov hakimiləri təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb.
21 dekabr 2011-ci ildə U-15 Liqanın “Neftçi AOC” – “İnter” matçının 64-cü dəqiqəsində “İnter”in futbolçusu Şahin Akgün sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb.
22 dekabr 2011-ci ildə U-15 Liqanın “Neftçi” – “Qarabağ” matçının 36-cı dəqiqəsində “Qarabağ”ın futbolçusu Ruslan Hacıyev rəqibə qarşı təhqiredici jestə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb.
21 dekabr 2011-ci ildə U-15 Liqanın “Vətən” – “Rəvan” matçının 70+1-ci dəqiqəsində “Rəvan”ın futbolçusu Tapdıq Əliyevlə “Rəvan”ın futbolçusu Zakir Zakirli aqressiv oyuna görə (rəqibə zərbə) birbaşa qırmızı vərəqə alaraq meydandan kənarlaşdırıldıqları üçün hər iki futbolçu 4 oyunluq cəzalanıb.
21 dekabr 2011-ci ildə U-15 Liqanın ROİL – AZAL matçının 21-ci dəqiqəsində ROİL klubunun baş məşqşisi Emin Salmanov hakimləri təhqir etdiyinə görə meydandan kənarlaşdırıldığı üçün baş məşqçi 5 oyunluq cəzalanıb.
