30 dekabr 2011 17:23
FİFA-dan ağır zərbə: 36 xalı silindi (FOTO)
İsveçrə Futbol Federasiyası “Sion” futbol klubu ilə bağlı sərt qərar çıxarıb. Azerisport.az xəbər verir ki, bu ölkənin aparıcı klublarından olan “Sion”un hesabından 36 xal silinib.
FIFA ilə məhkəmə çəkişməsində olan klub heyətində oynatması qanunsuz olan futbolçuya yer verdiyinə görə çox sərt səza ilə üzləşib. Qeyd edək ki, FIFA iki həftə öncə İsveçrə Futbol Federasiyasına bu qanunsuzluğuna görə “Sion”a qarşı ölçü götürmək tələbini irəli sürmüşdü. Bu tələbi yerinə yetirməyəcəyi halda, yanvarından 13-dən sonra FİFA bu ölkəni üzvlükdən çıxaracaqdı. Lakin göründüyü kimi, İFF vaxtında bu problemi həll edərək, bütün ölkə futbolunun zərbə altına düşməsinə imkan verməyib.
Bu qərar nəticəsində “Sion” mənfi 5 xalla turnir cədvəlinin son pilləsinə enib. Halbuki, komanda 18 turdan sonra 31 xalla 3-cü pillədə qərarlaşmışdı.
Qeyd edək ki, eyni səbəbə görə, “Sion” yayda UEFA tərəfindən avrokuboklardan da kənarlaşdırılmışdı.
