30 dekabr 2011 13:16
“Mən özümü Azərbaycanda legioner hesab etmirəm”
“Qəbələ”nin qapıçısı Pavel Doroşev komandasında tez-tez baş verən heyət dəyişikliklərinə münasibətini açıqlayıb. Azerisport.az saytına müsahibəsində latviyalı qolkiper bunları dilə gətirib:
“Bu, həqiqətən çox çətindi. Yeni oyunçuların gəlməsi yeni məktəb, mentalitet deməkdi. Kollektivdə də dəyişikliklər başlayır. Düzünü deyim ki, bundan o qədər də xoşum gəlmir. Əslində xarici pasport daşısam da, mən özümü Azərbaycanda legioner hesab etmirəm. Nə qədər ki, “Qəbələ”yə lazımam, heç yerə getmək fikrim yoxdu. Hətta digər təkliflərə də baxmıram. Karyeramı da məhz bu komandada başa vurmaq istəyirəm”.
