31 dekabr 2011 00:26
Məşqə gecikənlərə belə cəza növü görülmədi!
Portuqaliyanın aparıcı klublarından olan “Porto”nun baş məşqçisi Viktor Pereyra futbolçuların məşqlərə gecikməsinin qarşısını almaq üçün çox qəribə və heç harda görülməyən bir cəza növü icad edib. Azerisport.az xəbər verir ki, bu haqda portuqaliyalı mütəxəssis özü ölkə mətbuatına müsahibəsində məlumat verib.
Pereyranın açıqlamasına görə, “Porto”da istisnasız olaraq məşqə gec gələn futbolçular dəqiqə başına 100 avro cərimələnirlər. Ancaq gec qalan oyunçu rəhbərliklə əlaqə saxlayıb, üzrlü səbəbdən gecikdiyini bildirsə, onun cəriməsində 50 faiz endirim edilir. Yəni belə oyunçular 100 yox, hər dəqiqəyə görə 50 avro ödəməli olurlar.
Qeyd edək ki, “Porto” UEFA Avropa Liqasının son qalibidi. Komandada belə bir cəzanın tətbiq olunduğunu Portuqaliya klubunun uruqvaylı oyunçusu Alvaro Pereyra da təsdiqləyib.
