3 yanvar 2012 13:26
Rəşad Abdullayev: Neftçidən qızıl dubl gözləyirəm
“Neftçi”nin yarımmüdafiəçisi Rəşad Abdullayev azerisport.az saytına müsahibəsində komandasının qarşıdan gələn təlim-məşq toplanışından, eləcə də 2012-ci ildən gözləntilərindən danışıb.
- Yeni ili necə qarşıladınız?
- Yaxşı qarşıladım, ailəmlə birgə. İli birinci pillədə başa vurduq, qış çempionu olduq. Bu da hər birimiz üçün əlavə bir hədiyyə oldu.
- Yaxşı qarşıladım, ailəmlə birgə. İli birinci pillədə başa vurduq, qış çempionu olduq. Bu da hər birimiz üçün əlavə bir hədiyyə oldu.
- Qarşıda isə sizi ağır təlim-məşq toplanışı, yoldaşlıq oyunları gözləyir. Hansı ki, rəqiblərinizdən də biri “Terek” olacaq...
- Bəli, tezliklə Bakıda bir araya gəlib, Türkiyəyə yollanacağıq. Orda “Terek” də daxil olmaqla bir neçə oyun keçirəcəyik. Hələlik digər rəqiblərimizin kim olacağını mən də bilmirəm. Hər şey komandayla bir araya gələndə bilinəcək. Hər halda bu toplanışdan komandaya ancaq fayda gələcək.
- Sizcə, komandaya güclənmək lazımdı?
- Düzünü deyim ki, bizim heyətimiz artıq tam formalaşıb. Buna görə də güclü dəyişikliklərə ehtiyac olduğunu düşünmürəm. Digər tərəfdən, hər şeyə məşqçilər korpusu qərar verir. Əgər onlar kimisə lazım bilsələr, gətirərlər.
- “Neftçi”nin Emil Mpenza ilə yollarını ayırmaq istəməsinə münasibətiniz necədi?
- Bəli, Mpenza gedəcək, ona görə də həmin boşluğu doldurmaq lazım gələcək. Fikrimcə, ondan sonra hansısa problemlə üzləşmərik.
- Bəli, Mpenza gedəcək, ona görə də həmin boşluğu doldurmaq lazım gələcək. Fikrimcə, ondan sonra hansısa problemlə üzləşmərik.
- Premyer Liqanın ilk 18 turundakı çıxışınızı necə qiymətləndirərdiz?
- Bu mövsüm bizim üçün düşərli oldu. Baxmayaraq ki, bütün oyunlarımızda eyni səviyyədə çıxış edə bilmədik. Əla keçirdiyimiz oyunlar da oldu, tam əksi də. Amma bu mövsüm onsuz da gözlənilməz nəticələrlə zəngindi. Məsələn, kimin ağlına gələrdi ki, son pillələrdə gedən “Sumqayıt” “Qarabağ”ı səfərdə yenər? Digər nöqteyi-nəzərdən baxanda isə belə olması normaldı.
- “Neftçi” birinci pillədə olsa da, “İnter” (2) və “Xəzər Lənkəran”dan (3) daha çox məğlubiyyətlə üzləşib (5)...
- Bu, hardasa başadüşüləndi. Biz hücum futbolu oynayırıq. “İnter” isə daha çox müdafiəyə fikir verir. Sadəcə, oyun üslublarımız fərqlidi. Qələbə üçün irəli atılan komandanın uduzmaq təhlükəsi heç də az olmur. Amma bizim uduzmaq limitimiz dolub, daha xal itirməyə haqqımız yoxdu.
- 2012-ci ildən nə gözləyirsiz?
- Ötən mövsüm mənim oyunum pis alınmadı, komandam da Azərbaycan çempionu oldu. Bu mövsüm də titulumuzu qoruyub saxlamaq istəyirik. Həmçinin ölkə kubokunu qazanmaq istəyirik. Özüm üçün arzum budu ki, “Neftçi”yə bu hədəflərinə çatmaqda kömək edə bilim.
- Millidən dəvət gözləyirsiz?
- Məni Azərbaycan yığmasına çağıracaqlarını düşünmürəm. Bu, az inandırıcıdı. Buna görə də klubumdakı çıxışıma köklənmişəm. Amma əgər lazım bilib, milliyə dəvət etsələr, bu heç də pis olmayacaq.
- Məni Azərbaycan yığmasına çağıracaqlarını düşünmürəm. Bu, az inandırıcıdı. Buna görə də klubumdakı çıxışıma köklənmişəm. Amma əgər lazım bilib, milliyə dəvət etsələr, bu heç də pis olmayacaq.
