3 yanvar 2012 19:05
İnter Sturm və Cluj ilə eyni qrupda
Xəbər verdiyimiz kimi, “İnter” təlim-məşq toplanışını Antalyada keçirəcək. Azerisport.az xəbər verir ki, toplanış çərçivəsində komanda “Antalya Trofi” adlı turnirə də qatılacaq.
6 komandanın mübarizə aparacağı turnir yanvarın 28-dən fevralın 2-dək davam edəcək. Komandalar 2 qrupa ayrılacaq və hər qrupda 3 komanda mübarizə aparacaq.
Qeyd edək ki, “İnter” Avstriyanın “Sturm”(Qrats) və Rumıniyanın “Universitatea Cluj" komandalarının olduğu qrupda mübarizəyə qoşulacaq. Komanda yanvarın 28-də avstriyalılarla, 30-da isə rumınlarla qarşılaşacaq. Fevralın 2-də 1-ci, 3-cü və 5-ci yerlər uğrunda oyunların keçiriləcəyi planlaşdırılır.
Əlavə edək ki, ikinci qrupda Rumıniyanın “Vitorul Konstanta”, Xorvatiyanın “Split” və Ukraynanın “Vorskla” (Poltava) komandaları çıxış edəcək.
