3 yanvar 2012 19:26
Mpenza: Hacıyevin gəlişindən sonra Neftçidəki işlərim pisləşdi
“Neftçi”nin belçikalı hücumçusu Emil Mpenza hazırkı komandasıyla yollarını ayırmaq istəməsindən, durumundan və gələcək planlarından danışıb. Azerisport.az xəbər verir ki, o, ölkəsindən olan jurnalistlərə açıqlamasında bunları dilə gətirib:
“Ötən mövsüm “Neftçi”yə Arif Əsədov rəhbərlik edərkən hər şey daha yaxşı idi. Düzdü, mütəmadi olaraq əsas heyətdə meydana çıxmırdım. Amma buna baxmayaraq altı qol vurmağa imkan tapmışdım. Bəzi oyunlarda komandamın qələbəsində pay sahiblərindən biri olmuşdum. Mən ciddi zədə ilə üzləşdiyim dövrdə isə komandada baş məşqçi dəyişikliyi oldu”.
“Ötən mövsüm “Neftçi”yə Arif Əsədov rəhbərlik edərkən hər şey daha yaxşı idi. Düzdü, mütəmadi olaraq əsas heyətdə meydana çıxmırdım. Amma buna baxmayaraq altı qol vurmağa imkan tapmışdım. Bəzi oyunlarda komandamın qələbəsində pay sahiblərindən biri olmuşdum. Mən ciddi zədə ilə üzləşdiyim dövrdə isə komandada baş məşqçi dəyişikliyi oldu”.
Belçikalı forvardın sözlərinə görə, onun komandadakı hazırkı durumu heç də ürəyincə deyil: “Yeni baş məşqçi Böyükağa Hacıyevin komandaya gəlişindən sonra mənim komandadakı işlərim pisə doğru dəyişməyə başladı. Mən artıq meydana çox təsadüfi hallarda çıxa bilirəm. Halbuki, özümü yaxşı formada sayıram. Mən heç vaxt baş məşqçilərimin seçiminə görə pis olmamışam. Həmin onların qərarına hörmətlə yanaşmışam. Amma hazırkı durumum heç də xoş deyil”.
Mpenza hazırda özünə yeni iş yeri axtardığını bildirib: “İndi menecerim mənə yeni klub axtarır. “Neftçi” də buna qarşı deyil. Bakı mənim xoşuma gəlirdi. Amma görürəm ki, yeni təkliflər haqda düşünmək lazımdı”.
Təcrübəli hücumçu yenidən öz ölkəsində oynamaq variantını istisna etmir: “Vaxtilə debüt etdiyim çempionata qayıtmağı daha çox istəyirəm. Belə olan halda mən öz oğluma da yaxın ola biləcəm”.
(DEA)
