6 yanvar 2012 11:32
Bakı yeni ildə ilk məşqə çıxdı
Premyer Liqada yaranmış qış fasiləsində futbolçulara istirahət verən “Bakı” dünəndən etibarən klubun təlim-məşq bazasında hazırlıqlara start verib. Azerisport.az xəbər verir ki, baş məşqçi Aleksandr Starkovun rəhbərliyi altında bir araya gələn komanda saat 18:00-da klubun təlim-məşq bazasında ilin ilk məşqinə çıxıb.
Əsasən, fiziki təmrinlər üzərində qurulan məşq 40 dəqiqə davam edib. Yüngül qaçışla başlayan məşq fiziki hərəkətlərlə davam etdirilib.
Qeyd edək ki, komandanın bütün üzvləri bir nəfər kimi düşərgədədi. Zədə səbəbindən əziyyət çəkən İbrahim Karqbo və Elvin Əliyev trenajorda fərdi məşq keçiblər. Hazırlıqlarını gündə bir məşqlə davam etdirəcək “Bakı” yanvarın 9-da Antalyaya yola düşəcək.
