8 yanvar 2012 19:00
Azərbaycan Litvaya penaltilərlə uduzdu (YENİLƏNİB)
Futbol üzrə Azərbaycanın U-19 millisi Valentin Qranatkinin xatirəsinə həsr olunmuş XXIV beynəlxalq turnirdə bu gün növbəti matçına çıxıb. Azerisport.az xəbər verir ki, mübarizə apardığı A qrupunda 3-cü yeri tutan komandamız, B qrupunda müvafiq pillədə qərarlaşmış Litva yığması ilə 9-12-ci yerlər uğrunda oyunda qarşılaşıb.
Qeyd edək ki, millimiz qrup mərhələsindəki ilk oyununda Finlandiyaya 0:7 hesabıyla məğlub olmuşdu. İkinci oyunda Sankt-Peterburq üzərində qələbə qazanmasına (2:1) baxmayaraq, yığmamız qrupda sonuncu pilləni tutmuşdu.
Sankt-Peterburq şəhərindəki “Zenit” İdman Oyunları Sarayında keçirilən oyun komandamız üçün yaxşı başlayıb. Lakin ikinci hissənin əvvəlində hesabı açan komandamız tezliklə bu üstünlüyünü əldən verib. Qarşılaşmanın əsas vaxtında qalibi müəyyənləşdirmək mümkün olmadığından penaltilər seriyasına ehtiyac duyulub. Lotoreyada gülən tərəf Litva millisi olub.
Onu da qeyd edək ki, bu cütün qalibini həlledici oyunda Latviya üzərində 4:0 hesablı qələbəyə sevinən Yunanıstan millisi gözləyirdi. Beləcə, Litva yunanlarla qarşılaşacağı halda, Azərbaycan millisi də Latviya ilə 11-12-ci yerlər uğrunda görüş keçirəcək.
Beynəlxalq turnir
8 yanvar
Azərbaycan - Litva - 1:1 (penaltilərlə - 5:6)
49. Millimiz hesabda önə keçir
56. Litvalılar cavab qolunu vururlar
69. Yığmamızın futbolçusu qırmızı vərəqə aldığı üçün komandamız azlıqda qalır
Millimizin meydana aşağıdakı heyətlə çıxdığını da qeyd edək: 12. Rəşad Əzizov, 4. Elnur İsmayılov, 5. Samir Yusifov (k), 6. Fuad Bayramov, 7. Namiq Ələsgərov, 8. Ruslan Bədəlov, 17. Şamil Camaləddinov, 11. Orxan Əliyev, 16. Ruslan Nəsirli, 15. Musayev Murad, 19. Azər Salahlı.
Ehtiyat oyunçular: 1. Tofiq Şəfiyev, 2. Tural Hümbətov, 3. Azər Abbasov, 20. Tural Məmmədli, 9. Məqsəd İsayev, 13. Samir Məsimov, 10. Elşən Abdullayev
Ehtiyat oyunçular: 1. Tofiq Şəfiyev, 2. Tural Hümbətov, 3. Azər Abbasov, 20. Tural Məmmədli, 9. Məqsəd İsayev, 13. Samir Məsimov, 10. Elşən Abdullayev
