9 yanvar 2012 16:27
Qarabağ, Neftçi və Bakının ev oyunları mərkəzi arenada
Yayda hansı klublarımızın avrokubok oyunlarını Tofiq Bəhramov adına Respublika stadionunda keçirəcəyi müəyyənləşib. Azerisport.az saytına müsahibəsində bu barədə mərkəzi arenanın direktoru Akif İsmayılov xəbər verib.
Onun sözlərinə görə bu klublar “Bakı”, “Qarabağ” və “Neftçi”di. Artıq hər üç klubla mərkəzi arenanın rəhbərliyi arasında sözügedən məsələ ilə bağlı qarşılıqlı razılaşma əldə olunub, müqavilə imzalanıb.
Onu da əlavə edək ki, mərkəzi arenada hazırda yenidənqurma işləri aparılır və bu prosesin yazda başa çatması gözlənilir. Ən maraqlı məqamlardan biri isə ondadı ki, hələlik ölkəmizi avrokuboklarda hansı klubların təmsil edəcəyi müəyyənləşməyib.
