9 yanvar 2012 12:39
Vaqif Cavadov üçün xoşagəlməz sürpriz
Rusiyanın “Volqa” klubu qış fasiləsinə yekun vurub. Azerisport.az xəbər verir ki, azərbaycanlı futbolçu Vaqif Cavadovun da şərəfini qoruduğu komanda artıq Türkiyədə təlim-məşq toplanışına start verib.
Nijni-Novqorod təmsilçisi ötən gün Antalyada ilk məşqə çıxıb. Lakin məşqin sonunda futbolçular xoşagəlməz sürprizlə qarşılaşıblar. Belə ki, güclü yağış sonradan doluya çevrilib. Bu səbəbdən məşq yarımçıq qalıb. “Volqa” hazırlıq prosesini bu gün davam etdirəcək.
