10 yanvar 2012 14:43
İqor Getman Simurq ilə anlaşdı
“Neftçi”nin əvəzedici heyətinin sabiq baş məşqçisi İqor Getman özünə yeni iş yeri tapıb. Azerisport.az xəbər verir ki, o, bundan sonra “Simurq”da baş məşqçi Sergey Yuranın köməkçisi kimi fəaliyyət göstərəcək.
Bu münasibətlə Getman fikirlərini bölüşüb: “Simurq”un prezidenti ilə elə bu gün görüşdüm və mənə əsas komandada çalışmaq təklifini etdi. Mən özüm də çoxdan idi Premyer Liqaya qayıtmağı arzulayırdım. Əlbəttə, Sergey Yuran amili mənim bu qərarımda mühüm rol oynadı. Ondan çox şey öyrənə bilərəm. Ümid edirəm ki, məşqçi köməkçisi kimi işim uğurlu alınacaq”.
Qeyd edək ki, artıq komanda ilə gənc mütəxəssis arasında müqavilə imzalanıb. İqor Getman uzun müddət “Neftçi”, “Dinamo” (Bakı) və “Turan”ın formasını geyinib. 2007-ci ildə futbolçu karyerasını bitirərək məşqçilik fəaliyyətinə başlayan Getmanın son iş yeri “Neftçi” olub. O, “B” kateqoriyalı məşqçidi.
