10 yanvar 2012 16:44
Araz Abdullayev üçün yaşıl işıq
Yunanıstanın “Panionios” klubunun yarımmüdafiəçisi Dimitris Kolovos qeyri-müəyyən müddətə sıradan çıxıb. Azerisport.az xəbər verir ki, gənclərdən ibarət yığmamızın üzvü Araz Abdullayevin komanda yoldaşının sol dizindən ağır zədə aldığı bildirilir.
O, bu zədəni Superliqanın 16-cı turunun “Erqotelis”lə səfər oyununda (0:1) alıb. Məhz bu üzdən də sözügedən oyunçu həmin görüşün 43-cü dəqiqəsində Araz Abdullayevlə əvəzlənmişdi.
Kolovosun hələlik yaşıl meydanlardan nə qədər kənar qalacağı dəqiq bilinmir. Lakin bu, millimizin yarımmüdafiəçisinin əsas heyətdə meydana çıxmasına kömək edə bilər.
